ذاكرة السمك
ذاكرة السمك
لو عندك امتحانات أو شغال في شركة أو كنت مهندس، طبيب، سواق، أو حتى وأنت بتقرأ البوست ده.
فإنت دائما بتستخدم وبتحتاج ذاكرتك الجميلة دي، وأكيد حابين نعرف عنها أكتر🤩.
طيب ما تيجو نشوف أحد المشاكل اللي ممكن تصيبها وتضيع لنا معنى حياتنا حرفيا😮.
في فيلم (اللمبي 8 جيجا) بعد ما اللمبي بيقع على دماغه، وبيروح لدكتور مخ وأعصاب (أحمد الشواف) فالدكتور بيقوله إن جاله تربنة في المخ، وهي اللي مسبباله اضطراب في الذاكرة (وعمال كل شوية يسلم على أشرف)
"ازيك يا اشرف😁👋🏻"
الحالة دي فعلا موجودة كنوع من أنواع فقدان القدرة على تخزين المعلومات الجديدة -بغض النظر عن لفظ تربنة- المهم إن الاضطراب ده بيحصل بعد تلف أو إزالة جزء من الدماغ اسمه (hippocampus) واللي بيلعب دور مهم في الذاكرة والقدرة على التعلم.
التلف ده بيخلي المصاب لما يقرأ جورنال مثلا بيفضل يقرأه كذا مرة، وميفتكرش هو قرأ إيه ويبقى محتاج يقرأه تاني كأنه مقرأهوش قبل كده! أو تلاقيه بينسى إنه اتعامل مع شخص ما من شوية، وكأن كل مرة يشوفه هي أول مرة (زي الفيلم)🤷🏻♂️
لكن بالرغم من كل ده فالمصاب بيكون قادر يفتكر الذكريات القديمة زي الأب والأم والزوجة وأصحاب الطفولة .. إلخ
قولولنا لو حابين نتكلم عن الذاكرة قصيرة المدى أو طويلة المدى🤔
وتفتكروا في اضطرابات تانية ممكن تصيب ذاكرتنا؟😵
تعليقات
إرسال تعليق